تعلقات پیدا کرنے اور بڑھانے کا فن

ان کے پاس اتنا وقت کہاں کہ وہ آپ کے بارے یاد دوسروں کے بارے کچھ سوچیں۔ میں یہ بات او پر بیان کر چکا ہوں کہ آپ لوگوں سے تعلقات بے لوث ہو کر پیدا کریں۔ ہمیشہ خود غرضی کی سوچ سے اجتناب کریں۔ ہو سکتا ہے کہ کسی وقت آپ کے احباب کے علم میں یہ بات آجائے کہ آپ تو مطلبی ہیں، تو اس کا انجام یہ ہوگا کہ آپ کے دوست احباب آپ سے کنارہ کشی کر لیں گے اور آپ تنہا رہ جائیں گے۔ بہت زیادہ شرمیلا پن نہ صرف ترقی کی راہ میں رکاوٹ کا باعث بنتا ہے بلکہ دوست بنانے میں بھی مد ثابت نہیں ہوتا۔ عام طور پر یہ دیکھا گیا ہے کہ جولوگ حد سے زیادہ شرمیلے ہوتے ہیں وہ کسی سے دوستی کرنے میں پہل کرنے سے گھبراتے ہیں۔ البتہ کوئی اور اس سلسلہ میں دوستی کا ہاتھ بڑھائے تو بھی شرمیلے لوگ ایک جھجک محسوس کرتے ہیں۔ دوست احباب بنانے میں جرات کا مظاہرہ ضروری ہے۔ بصورت دیگر آپ کا حلقہ احباب صرف چند نفوس تک محدود رہے گا۔ اس میدان میں قدم بڑھانے کے لئے کسی موقع کی تلاش میں رہنا فضول ہے۔ آج تک ایسا کبھی نہیں ہوا۔ کہ موقع کسی کے دروازے تک خود پہنچا ہو۔ بلکہ موقع تو پیدا کئے جاتے ہیں۔ ایسی خاصیت بھی قدرت کسی کسی کو عطا کرتی ہے۔ ایک جیسے مشاغل رکھنے والوں یا ایک ہی قسم کا کاروبار کرنے والوں یا ایک جیسی دلچسپی رکھنے والوں میں دوستانہ مراسم بہت جلد قائم ہو جاتے ہیں۔ جب بھی آپ دوست بنانا شروع کریں تو ہمیشہ ان لوگوں سے رابطہ رکھیں۔ جن کے مشاغل دلچسپیاں کاروبار یا مزاج آپ سے مطابقت رکھتے ہوں۔ ایسے لوگوں سے آپ کے مراسم دیر پا ثابت ہوں گے۔ ایسے ہی دوستوں سے آپ اور آپ سے وہ دوست خوب فائدہ حاصل کر سکتے ہیں۔ ایک دوسرے کے تجربات سےبہت فائدہ حاصل کیا جا سکتا ہے۔ اپنے دوستوں سے بھی بھی ان کی حیثیت سے زیادہ کا مطالبہ نہ کریں۔ مبادا آپ کی دوستی میں فرق آ سکتا ہے۔ مجھے ایک عقل مند کا بہت ہی حسین قول یاد آ رہا ہے کہ: دوست کو کبھی آزمانے کی کوشش نہ کریں۔ ممکن ہے کہ وہ کسی وجہ سے تمہاری آزمائش پر پورا نہ اتر سکے۔ لیکن اس کے نتیجہ میں آپ کے تعلقات ضرور کمزور ہو جائیں گے ۔” دوستی کی راہ میں اعتبار کی بھی بہت اہمیت ہوتی ہے۔ لہذا ضروری ہے کہ آپ جن لوگوں کو دوست بنانا چاہتے ہیں یا تعلقات استوار کرنا چاہتے ہیں۔ پہلے ان کو مختلف طریقوں سے پر کھ کر یہ یقین کرلیں کہ ان پر اعتبار کیا جاسکتا ہے یا نہیں۔ ہمیشہ دوست ان لوگوں کو بنا ئیں جو قابل اعتبار ہوں ۔ جب ایک بار ان سے دوستی قائم ہو جائے تو پھر ان پر اعتبار کرتے رہیں۔ اگر کسی موقع پر آپ کے دل و دماغ میں ذرا برابر بھی شک آگیا تو دوستی کی راہ میں خلیج واقع ہو جائے گی۔ دوستی کی بنیادوں میں دراڑیں پڑ جائیں گی۔

دوستی کے معاملے میں عادات واطوار بھی بہت اہمیت رکھتے ہیں۔ جیسے وضع قطع اور چہرے کے اثرات کسی پر اثر انداز ہوتے ہیں۔ اسی طرح عادت اور طور طریقے بھی دوسروں پر اثر چھوڑتے ہیں۔ اگر کسی کی عادت میں بناوٹ کا عنصر شامل ہے تو یہ کسی وقت بھی نقصان کا باعث بن سکتی ہے۔ اکثر اوقات یہ دیکھا گیا ہے کہ جب کوئی ملازمت کا متلاشی انٹرویو لینے والے کے سامنے اوورا یکیتنگ کا مظاہرہ کرتے ہیں اور وہ کچھ بن کر دکھانے کی کوشش میں ملازمت سے ہاتھ دھو بیٹھتے ہیں۔ کیونکہ ملازمت مل جانے کے بعد وہ کچھ بھی نہیں کر پاتے ۔ اس طرح ان کی بناوٹ کی عادت انہیں ذریعہ روزگار سے بھی محروم کر دیتی ہے۔ اگر آپ کے طور طریقوں میں بناوٹ کی بجائے قدرتی پن ہوگا تو وہ قدرتی پن آپ کے مخاطب دیکھنے والوں پر مثبت اثر ڈالے گا۔ یہ بات عام طور پر دیکھنے آئی ہے کہ ہمارا نوجوان طبقہ اپنی گفتگو میں دیگر زبانوں کے الفاظ بکثرت استعمال کرتا ہے اور اب تو ہمارا با شعور طبقہ یعنی ادھیڑ عمر لوگ بھی بے دھڑک انگریزی الفاظ اپنی بات چیت میں استعمال کر جاتے ہیں۔ ہو سکتا ہے کہ ان کا خیال ہو کہ ایسا کرنے سے ان کی انگریزی دانی کا رعب اپنے مد مقابل پر پڑے گا۔ جبکہہوتا یہ ہے کہ وہ اگر کبھی غلط الفاظ اور غلط موقع پر دیگر زبان کے الفاظ بول جاتے ہیں تو ان کی قلعی کھل جاتی ہے۔